Tariki 30 Nyakanga 2025 ku biro by'Akarere ka Kamonyi i Gihinga habereye inama y'Ubuhinzi n'Ubworozi yayobowe n'Umuyobozi w'Akarere Wungirije Ushinzwe Iterambere ry'Ubukungu bwana NIYONGIRA Uzziel. 

Hari hatumiwe abakozi bo mu Ishami ry'Ubuhinzi n'Umutungo Kamere, abakozi bashinzwe ubuhinzi mu Mirenge, abakozi bashinzwe Ubworozi mu Mirenge, abahagarariye API (Agro-Processing Industries), abahagarariye Company ya ba Veterineri bigenga, abacuruzi b’inyongeramusaruro ( "Agrodealers" ) bahagarariye abandi mu Mirenge.

Muri iyi nama hari hagamijwe gutangiza gahunda yo kwegurira ibikorwa by'ubworozi "Company" ya ba Veterineri bigenga yatsindiye isoko binyuze muri "Veterinary Sanitary Mandate/VSM", hagaragajwe kandi ubwoko bushya bw'imbuto z'ibigori butanga umusaruro mwinshi, abitabiriye banarebeye hamwe "targets" z'imihigo y'Ubuhinzi n'ubworozi ku rwego rwa buri Murenge.