Hifashishijwe uburyo bw’ikoranabuhanga rya Webex, ku gicamunsi cyo kuwa mbere tariki 20 Werurwe 2023, VM Ushinzwe imibereho myiza Mme UWIRINGIRA Marie Josee, yayoboye inama yaganiriweho ibikorwa byo mu nkingi y’imibereho myiza bikeneye ubukangurambaga kandi byihutirwa, by’umwihariko hagarutswe ku gikorwa cya gahunda yo gukura abaturage mu bukene (graduation).

-Abitabiriye bagejejweho amabwiriza agenga uburyo bwo gutoranya ugomba gukurwa ku rutonde rw’abakene, basobanuriwe imiterere ya komite izakora igikorwa n’ibizashingirwaho mu gutoranya.
-Inama yitabiriwe n’abakozi bashinzwe imibereho myiza mu Mirenge, abashinzwe ubutaka n’abashinzwe imibereho myiza n’iterambere mu Tugari.

Iyi nama yari yabanjirijwe n’indi yabaye mu gitondo ku biro by’Akarere yari yatumiwemo abanyamabanga Nshingwabikorwa b’Imirenge n’ab’Utugari, abakozi bakorera ku Karere n’inzego z’umutekano; haganirwa kuri iyi ngingo. Biteganyijwe iyi gahunda itangizwa tariki 25 Werurwe mu karerwe hose nyuma yo kubisobanurira neza abaturage umuganda ushoje. Ku rwego rw’Akarere igikorwa kizabera mu Murenge wa Kayumbu, akagari ka Giseke ahazabera umuganda rusange wateguwe n’Akarere.

None kuwa 22/03/2023  Mugishanga cya Kayumbu ahakorera Koperative CODARIKA AMIZERO hakozwe umuganda wo kurwanya isuri mugishanga gihingwamo umuceri, Umukozi w'Akarere ushinzwe Ubuhinzi yifatanyije nabahinzi muri uwo muganda.