Perezida w'Inama Njyanama y'Akarere Bwana NYONI Emilien Lambert tariki 29 Nzeri 2023  yayoboye inama isanzwe y'Inama Njyanama y’Akarere ka Kamonyi. Hagarutswe ku ishyirwamubikorwa ry’imyanzuro r’inama iheruka yateranye muri Kanama 2023.

Icyo gihe abajyanama bunguranye ibitekerezo kuri raporo z'amakomisiyo agize Inama Njyanama ku bikorwa bitandukanye bakoze harimo gusura Imirenge harebwa imishinga ihari, uburyo icunzwe no kujya inama ku bikwiye kunozwa; hanagarutswe ku bipimo by'imisoro n'amahooro bishya ibi bikazatangira gukurikizwa igihe bizaba bimaze kunozwa no kwemezwa n’Inama Njyanama.
Haganiriwe kuri gahunda yo gutanga ingurane (expropriation) ku baturage babaruwe ndetse babariwe mu mbago z’ikorwa ry’umuhanda wa kaburimbo Gihara-Nkoto.