Mu birori byo kwizihiza umunsi mukuru wo kwibohora, Umuyobozi w’Akarere Dr. Nahayo Sylvere yasabye abaturage gukomeza gushyira imbaraga mu gusigasira ibyagezweho kandi bakumva ko bafite inshingano zo kubirinda. Ibi yabitangarije mu Mudugudu wa Nyirabihanya, Akagari ka Taba Umurenge wa Rukoma, ubwo we n’izindi nzego bifatanyaga n’abaturage mu birori byo kwibohora. 

Nkuko byakozwe no mu yindi Mirenge, hirya no hino mu Midugudu igize Akarere habereye ku nshuro ya 31 ibirori byo Kwibohora. Ni gahunda yaranzwe no kwishimira ibimaze kugerwaho mu ngeri zitandukanye muri uru rugendo rwo kwibohora, hatanzwe kandi ikiganiro cy'amateka yo kubohora igihugu, habaho no guutaha  imishinga y’iterambere yagezweho mu mihigo y’Akarere y’umwaka wa 2024/2025.

Abagize komite nyobozi y’Akarere hamwe n’abayobozi b’inzego z’umutekano bifatanyijwe n’Imirenge ku buryo bukurikira: 
Umuyobozi w’Akarere Dr.NAHAYO Sylvere ari kumwe na Visi Menya Ushinzwe Ubukungu bwana Niyongira Uzziel yifatanyije n’Umurenge wa Kayumbu, Visi Meya Ushinzwe Imibereho Myiza Mme Uwiringira Marie Josee yifatanyije n’Umurenge wa Rugalika.
Umunyamabanga Nshingwabikorwa w’Akarere bwana Bushayija Fred yari kumwe n’abaturage b’Umurenge wa Gacurabwenge naho Umuyobozi w’Imirimo Rusange bwana Ndahimana Longin yifatanyije n’abaturage b’Umurenge wa Runda.