Hirya no hino mu Karere habereye ibirori byo kwizihiza umunsi mukuru w’Intwari z’u Rwanda.  Insanganyamatsiko y’uyu mwaka iragira iti” Ubutwari n’Ubumwe bw’Abanyarwanda, Inkingi z’Iterambere”.

Ku Kibuga cya GS Bunyonga mu Murenge wa Karama niho habereye ku rwego rw’Akarere ibirori byo kwizihiza ku nshuro ya 31 umunsi w'Untwari byabimburiwe no gutaha ku mugaragaro ikiraro cya Kinyaruka gihuza Imirenge ya Karama na Kayumbu, cyubatswe mu rwego rwo koroshya ubuhahirane ku batuye iyi Mirenge. Iki kiraro cyari cyaratwawe n'ibiza.

Iyi gahunda yitabiriwe n’Itsinda ry’Abadepite bayobowe na Hon. Depite UWAMARIYA Odette, aba badepite bakaba bamaze iminsi mu Karere basura ibikorwa bitandukanye by’iterambere n’imibereho myiza.

Ku rwego rw’Akarere hari Umuyobozi w’Akarere Dr. Nahayo Sylvere, Inzego z’umutekano ku rwego rw’Akarere n' Umunyamabanga Nshingwabikorwa w’Akarere bwana Bushayija Fred.

Habayeho no koroza imiryango muri gahunda ya Girinka Munyarwanda.

 Mu yindi Mirenge : VM Ushinzwe Iterambere ry'Ubukungu bwana NIYONGIRA Uzziel yifatanyije n'abaturage bo mu Kagari ka Gihara Umurenge wa Runda , VM ushinzwe imibereho myiza Mme Uwiringira Marie Josee yifatanyije n'abatuye Akagari ka Nyarubuye Umurenge wa Rugalika . 

no mu yindi Mirenge hatashywe ibikorwa bitandukanye by’iterambere dukesha intwari zitangiye u Rwanda.