Mu rwego rwo gufasha urubyiruko kugira umwuga wazabatunga mu gihe kiri imbere, kuwa 20 Kanama 2025 mu Kigo cy' Urubyiruko cya Kamonyi giherereye mu Murenge wa Gacurabwenge hatanzwe impamyabumenyi ku rubyiruko 138 rwashoje kwiga umwuga w' Ubudozi muri 2024-2025.

Uru rubyiruko rwigishijwe ku bufatanye n'umufatanyabikorwa ukorera mu kigo cy'urubyiruko cya Kamonyi witwa “Organisatio pour le Development Intégré de Tous”.

Iyi gahunda yitabiriwe n'abayobozi batandukanye barimo Umunyamabanga Nshingwabikorwa w'Umurenge wa Gacurabwenge, itsinda ry'abakozi baturutse ku karere bayobowe na Mme Mukamana Laetia umuyobozi w’Ishami ry’ubucuruzi n’iterambere ry’umulimo.