Tariki 03 Ugushyingo 2024, ku Ishuri rya ESB Kamonyi riherereye mu Murenge wa Gacurabwenge, Umuyobozi w'Akarere Dr NAHAYO Slyvere ari kumwe n'abandi bayobozi yatangije kuri iki cyumweru imikino mu mashuri. Ni amarushanwa ngarukamwaka agamije kuzamura impano z'abanyeshuri mu mikino ya "Volley Ball", "Basketball", "Football", "Handball" & "Athletics".

Iyi mikino y'uyu mwaka yanateguwe hagamijwe no gutanga ubutumwa bureba buri wese muri rusange;  by'umwihariko urubyiruko rukaba ruhamagarirwa gukumira no kurwanya inda ziterwa abangavu, hagamijwe kubaka umuryango ubereye u Rwanda.

Iki gikorwa cyitabiriwe n’Umuyobozi waturutse muri Ministeri ya Siporo mu Rwanda akaba ari no muri komite ya federation ya sporo mu mashuri, Umuyobozi wa ESB Kamonyi Padiri Majyambere Jean d’Amour n’abandi bayobozi.