◾Abatuye Akarere ka Kamonyi bitabiriye umuganda rusange usoza ukwezi kwa Kamena 2022 wibanze ahanini ku gucukura no gusibura imirwanyasuri mu rwego rwo kurengera ibidukikije, ahandi umuganda bawuhariye kubakira abatishoboye muri gahunda yo gukemura ibibazo bikibangamiye Imibereho Myiza y'abaturage.

Umuyobozi w'Akarere Dr. NAHAYO Sylvere ari kumwe n'abajyanama mu Nama Njyanama y'Akarere aribo MUKANYANDWI Rose, HAGENIMANA Felix na Mme MUSABYIMANA Marie Goretti n'Umuyobozi wa Polisi mu Karere Supt Nsabimana Jean Bosco bakoreye umuganda mu Murenge wa Kayumbu akagari ka Busoro bakaba bafatanyije n’abaturage mu gusana umuhanda no gusana inkengero z’ahari bubatse ikiraro ngo hadakomeza kwangirika.
VM ushinzwe ubukungu bwana Uzziel Niyongira ari kumwe na VP w'inama Njyanama bwana Ngirinshuti Fidèle n'abandi bajyanama bitabiriye umuganda mu Murenge wa Mugina. Umuyobozi w'Akarere Wungirije ushinzwe imibereho myiza y'abaturage Mme UWIRINGIRA Marie Josée ari kumwe n’umunyamabanga w’Inama Njyanama y’Akarere Madame Ishimwe Pascaline bakoreye umuganda mu Murenge wa RUNDA wibanze ku gusiza ikibanza cy’ahazubakwa ibiro by’Umudugudu wa Bukimba bikomatanyije n’irerero mu Kagari ka Gihara.