Kuwa 31 Kanama 2024, hirya no hino mu Tugari abaturage n’ubuyobozi bifatanyije mu bikorwa byateguwe by’umuganda rusange usoza ukwezi kwa Kanama 2024.
Mu Kagari ka Gishyeshye Umurenge wa Rukoma niho habereye ku rwego rw’Akarere umuganda rusange. Abaturage n'abayobozi bafatanyije mu gukora imihanda mu Mudugudu wa Gahungeri. Iki gikorwa cyitabiriwe n'Umuyobozi w'Akarere Wungirije Ushinzwe Imibereho Myiza Mme Uwiringira Marie Josee, umuyobozi w’Ishami ry’imiyoborere myiza mu Karere n’umuyobozi w’ishami ry’ubuzima, hamwe n’intumwa ya RBC ndetse n’uwaje aturutse ku Bitaro bya Gisirikari i Kanombe.

Mu biganiro byahuje ubuyobozi n'abitabiriye umuganda  mu Kagari ka Gishyeshye i Rukoma, basabwe gukumira icyorezo cy'ubushita bw'icyende.

 Abaturage basobanuriwe uburyo iyi ndwara yandura  n'uko umuntu yayirinda.
Hatanzwe kandi ikiganiro ku isuku n’isukura, ababyeyi kandi bibukijwe ko itangira ry’amashuri ryegereje basabwa kwitegura neza bashyira ku murongo ibikenewe byose ngo abana babo bazagere ku ishuri igihe cyateganyijwe.