Ku biro by’Akarere mu Murenge wa Gacurabwenge, Umuyobozi w’Akarere Wungirije Ushinzwe Imibereho Myiza Mme Uwiringira Marie Josee yayoboye inama yari igamijwe kurebera hamwe gahunda zo gutanga ubufasha ku batishoboye barokotse Jenoside yakorewe Abatutsi mu 1994, bakeneye amacumbi cyangwa gufashwa mu mishanga ibyara inyungu kugira ngo biteze imbere.
Inama yitabiriwe n’abakuriye inzego za Ibuka n’Umuryango AVEGA ku rwego rw’Akarere no ku Mirenge ndetse n’abakozi bashinzwe Imibereho Myiza mu Mirenge. Abitabiriye bunguranye ibitekerezo ku gutanga ubufasha n’ibigomba kugenderwaho nkuko amategeko abiteganya, hagamijwe kunoza uburyo bwo kugeza iyi nkunga kuri ba nyirayo, gukurikirana imikoreshereze y’inkunga igihe ari iyo kwiteza imbere ndetse no kujya inama ku bikwiye kwitabwaho mu gucunga neza imishinga abagenerwabikorwa baba bakoze ngo ibafashe mu iterambere.