Amatsinda y'abakozi bakorera ku Karere bafanyije n'abakozi bo ku Mirenge, kuri iyi wa 31 Gicurasi 2022, basuye ibikorwaremezo by'amashuri, hasuzumwa  ibigo by'Amashuri hirya no hino mu Mirenge byubatswe mu bihe bitandukanye by’umwihariko mu mwaka w’ingengo y’imari 2020/2021 harebwa uko izi nyubako zimeze n'ibikwiye gukosorwa.

Muri rusange bagenzuye uko inyubako z'amashuri zihagaze, Ibikoni, ubwiherero, Urukarabiro n'isuku muri rusanjye ku bigo by’amashuri.
Mu nama ngufi mu gitondo mbere n’abakozi bakorera ku Karere yo kujya kugenzura aya mashuri, Umunyamabanga Nshingwabikorwa w’Akarere bwana ABIYINGOMA Gerard, yavuze ko ikigamijwe ari ukureba uko ayo mashuri yubatswe ameze, uburyo imirimo yashojwe, ibikoni uko byubatse by’umwihariho imirimo isoza (finishing works) irimo gushyiramo ibirahuri, kubaka amashyiga, kubaka inzira n’ibyobo by’amazi, ibigega,…
Umunyambanga Nshingwabikorwa w’Akarere yashimangiye ko ku mashuri yubatswe abagize itsinda rigenzura bareba niba imirimo yose iteganyijwe ku cyumba cy’ishuri niba yararangiye, kureba niba ishuri rifite itiyo imanura amazi, kureba niba ntabyatangiye kwangirika ibirahure, pavoma, uko ibibaho bimeze. Harebwe kandi uko  inzu n’amadirishya bifunze neza, kureba uko amarange asize.

Abagize amatsinda, ku bwiherero barebye niba ubwiherere bw’abafite ko buhari kandi bukaba bukoreshwa, kureba ubukarabiro, kureba ko ntabyatangiye kwangirika inzugi , pavoma, kureba niba  rifite itiyo imanura amazi. Ku bikoni harebwe niba imirimo yose yararangiye pavoma, muvelo, kureba niba  rifite itiyo imanura amazi, kureba niba ibirahure , serire, pavoma ku bikoni byarangiye niba bitaratangiye kwangirika, kureba inzugi / amadirishya niba bikinze neza no kureba uko amarange asize.  

VM Ushinzwe Ubukungu bwana NIYONGIRA Uzziel n'itsinda yari ayoboye iri suzuma barikoze mu Murenge wa Musambira, VM ushinzwe Imibereho Myiza  Mme UWIRINGIRA Marie Josee yari mu Murenge wa Runda,Umunyamabanga Nshingwabikorwa w'Akarere bwana ABIYINGOMA Gerard n’ itsinda rye ryakoreye mu Murenge wa Karama naho DM BUSHAYIJA Fred n'itsinda ayoboye isuzuma barikoze mu Murenge wa Gacurabwenge.