Ku gicamunsi tariki 15 Nzeri 2023, Umuyobozi w’Akarere Dr. Nahayo Sylvere ari kumwe n’uwari uhagarariye urwego rw’Igihugu rushinzwe abinjira n’abasohoka bwana Rusanganwa Jean Damascene; Umuyobozi w’Akarere yakiriye indahiro z’abanyamahanga 7 bahawe ubwenegihugu bw’u Rwanda. Ni umuhango wabereye ku biro by’Akarere hakaba hakiriwe indahiro z’Abarundi 3, Abagande 2, Umubirigi 1 n'undi 1 ukomoka muri Repubulika Iharanira Demukarasi ya Kongo; ni nyuma y'ubusabe bwabo no kuzuza ibisabwa n'amategeko y'u Rwanda. Indahiro zabo bazikoze imbere y'umuyobozi w'Akarere ka Kamonyi.

Aba bahawe ubwenegihugu bw'u Rwanda uko ari 7 bahawe ikaze mu muryango mugari w'abana b'u Rwanda.Umuyobozi w'Akarere yabasabye gukomeza gutanga umusanzu wabo mu kubaka igihugu cyabo cy'u Rwanda.
 Igikorwa cyitabiriwe na VM ushinzwe imibereho myiza Mme Uwiringira Marie Josee, n’Umuyobozi w’Ingabo mu Karere ka Kamonyi.