Mu gitondo cyo kuwa 12 Ukuboza, ku biro by’Akarere habereye umuhango wo kwakira indahiro ya Mme MUKAKARISA Anatholie winjiye mu Nama Njyanama y’Akarere akaba aje asimbura Mme HATUNGIMANA Mediatrice wasezeye muri Njyanama. Ni umujyanama uhagarariye 30% by’abagore mu Nama Njyanama y’Akarere.
-Iki gikorwa cyitabiriwe na Perezida w’Inama Njyanama y’Akarere bwana NYONI Emilien Lambert na bagenzi be bagize biro ya Njyanama, hari kandi Umuyobozi w’Akarere Dr. NAHAYO Sylvere, abayobozi b’Akarere Bungirije, Umunyamabanga Nshingwabikorwa w’Akarere n’abandi bakozi bakorera ku cyicaro cy’Akarere.
-Mu mpanuro zatanzwe, umujyanama mushya yasabwe kuzubahiriza neza ibikubiye mu ndahiro bityo agahesha ishema Akarere n’igihugu cyamwibarutse.