Guverineri  w'Intara  y'Amajyepfo Mme KAYITESI  Alice  ku  mugorob tariki 15.03.2023 yayoboye ku  biro by'Akarere  i Gihinga  inama  y'umutekano  yaguye y'Akarere.  Inama yitabiriwe n'abagize inama y'umutekano  itaguye y'Intara,  abagize  komite  nyobozi  y’akarere,  inama y'umutekano  itaguye y'Akarere  n'abakuriye inzego z’umutekano mu  Mirenge (abayobozi ba sitatiyo  za  Polisi,  abakuriye inkeragutabara  n’abakuriye  urwego rwa DASSO), hari  kandi  n’abanyamabanga Nshingwabikorwa  b’Imirenge.

Abitabiriye inama  y'umutekano bunguranye ibitekerezo ku ngamba zo gukomeza kubumbatira  umutekano mu karere ka Kamonyi muri rusange;  by'umwihariko baganiriye  ku  gukomeza  ubufatanye bw'abaturage  n'inzego  z'umutekano  mu gukumira  ibyaha   bikunze  kwigaragaza.