Tariki 12 Kanama, mu Murenge wa Nyarubaka, Akagari ka Gitare hatangirijwe ku rwego rw’Akarere icyumweru cyahariwe itangwa rya serivisi z’irangamimerere.

Abaturage bazegerezwa  serivisi aho batuye mu Tugari; nko kwandikisha abavutse, kwandika abashaka gushyingirwa, gufotora abashaka gufata irangamuntu, kwandika abashaka gufata irangamuntu, kwandukuza abapfuye,..
Umuyobozi w’Akarere Dr. Nahayo Sylvere niwe watangirije iki gikorwa ku rwego rw’Akarere mu Murenge wa Nyarubaka. Umuyobozi w’Akarere Wungirije Ushinzwe Ubukungu bwana Niyongira Uzziel, yatangije iki cyumweru mu Murenge wa Nyamiyaga. 

Gutangiza iki cyumweru byahujwe no gutangizwa ukwezi kwahariwe imiyoborere myiza mu Karere aho amatsinda y’abakozi b’Akarere azasura Imirenge akunganira inzego mu kwakira no gukemura ibibazo byabo.