Hirya no hino mu Midugudu igize Akarere ka Kamonyi,  kuwa 07 Mata 2026 kimwe n'ahandi mu gihugu habereye igikorwa cyo gutangiza gahunda yo kwibuka ku nshuro ya 32 Jenoside yakorewe Abatutsi mu 1994.

Guverineri w’Intara y’Amajyepfo Mme Kayitesi Alice ari kumwe n'abagize inama y'umutekano itaguye y'Intara bitabiriye igikorwa cyo kwibuka mu Mudugudu wa Kamonyi , ku rwibutso rwa Jenoside yakorewe Abatutsi mu 1994. Iyi gahunda yanitabiriwe n'Umuyobozi w'Akarere Dr. NAHAYO Sylvere, Perezida w'Inama Njyanama y’Akarere, Perezida wa IBUKA mu Karere, abagize komite nyobozi y’Akarere, abakuriye inzego z’umutekano mu Karere, abafatanyabikorwa b'Akarere.

Gahunda yaranzwe n'ibi bikurikira: ikiganiro ku mateka ya Jenoside yakorewe Abatutsi mu 1994 cyatanzwe na bwana Mbonyingabo Christophe Umuyobozi w'umuryango CARSA uharanira isanamitima, gushyira indabo ku rwibutso mu rwego rwo kunamira abazize Jenoside yakorewe Abatutsi mu 1994, ubutumwa bw'abayobozi budufasha kwibuka, gukurikira kuri Radio gahunda yo ku rwego rw'Igihugu n'ubutumwa Nyakubahwa Perezida wa Repubulika y'u Rwanda yageneye abanyarwanda bujyanye no kwibuka ku nshuro ya 32 Jenoside yakorewe Abatutsi mu 1994.