Mu rwego rwo gufasha urubyiruko kugira imyitwarire myiza no kwirinda ko bakomeza kugira ingeso mbi muri ibi bihe by’ibiruhuko, mu rwunge rw’amashuri Rosa Mystica Kamonyi niho hatangirijwe ku rwego rw’Akarere gahunda, gahunda y’Intore mu Biruhuko.

Atangiza ku mugaragaro iyi gahunda, Umuyobozi w’Akarere Wungirije Ushinzwe Imibereho Myiza Mme Uwiringira Marie Josee yasobanuye ko urubyiruko rusabwa kwitabira kuko ari ingirakamaro. By’umwahariko ababyeyi basabwe kohereza abana bakitabira kugira ngo bahure na bagenzi babo bidagadure kandi bagire uburere buboneye. 


Insanganyamatsiko ni" Ubuzima Bwiza, Agaciro Kanjye". Igikorwa cyaranzwe n'imikino, ubutumwa n'imbyino bifasha urubyiruko kwidagadura no kugira imyitwarire iboneye.
uretse umuyobozi w’Akarere Wungirije, gahunda yitabiriwe n’abagize Inzego z’umutekano ku rwego rw’Akarere, Umunyamabanga Nshingwabikorwa w’Umurenge, Umuyobozi w’Umuryango FPR Inkotanyi ku rwego rw’Akarere bwana Ndagijimana Jean Pierre hamwe na komite nyobozi y’umuryango. Urubyiruko rwamenyeshejwe ko ruzajya rwitabira iyi gahunda inshuro 3 kugeza mu mpera z’ukwezi gutaha kwa Kanama; buri wa mbere, buri wa gatatu no kuwa gatanu.