Tariki 19 Gashyantare 2026, mu Mudugudu wa Nyagasozi Akagari ka Gihinga Umurenge wa Gacurabwenge niho Umuyobozi w’Akarere Dr. NAHAYO Sylvere yatangirije gahunda ya "TUGANIRIRE MU MUDUGUDU".

Ni gahunda yihariye y’Akarere izajya ikorwa ku bufatanye n’inzego zose, igamije kurushaho kwegera abaturage no kumva ibibazo n'ibitekerezo byabo bitabaye ngombwa ko bahagarika imirimo yabo aho batuye cyangwa aho bakorera. Ubuyobozi buzajya bufata akanya gato ko kuganira nabo kandi akazi kagakomeza. 

Uyu munsi hasuwe abaturage barimo bubaka ubwanikiro bw’ibigori bwunganira ubwari buhasanzwe mu Kagari ka Gihinga Umudugudu wa Nyagasozi, hasuwe kandi abacururiza mu isoko ry’imboga n’imbuto rya Mushimba.