Tariki 27 Werurwe 2025, ku biro by’Umurenge wa Gacurabwenge habereye inama yatumiwemo inzego zinyuranye mu rwego rw’imyiteguro yo kwibuka ku nshuro ya 31 Jenoside yakorewe Abatutsi mu 1994.
Inama yayobowe n'Umunyamabanga Nshingwabikorwa w'Umurenge wa Gacurabwenge Mme UMUGIRANEZA Marthe yitabirwa n’abagize komite ya Ibuka ku Murenge, AVEGA, Umuyobozi w'Ikigo Nderabuzima, Umukozi ku Kigo Nderabuzima ushinzwe ubuzima bwo mu mutwe, inzego z’umutekano, Umukozi ushinzwe imiyoborere myiza, umukozi ushinzwe ubuzima, abanyamabanga Nshingwabikorwa b’Utugari n’Abayobozi b'Ibigo by'Amashuri.
Abitabiriye iyi nama bunguranye ibitekerezo ku myanzuro y'inama yo ku rwego rw'Akarere itegura kwibuka  ku nshuro ya 31 Jenoside yakorewe Abatutsi mu 1994, ndetse habayeho kwibukiranya imigendekere ya gahunda yo kwibuka ku nshuro ya 30 Jenoside yakorewe Abatutsi mu 1994 harebwa ibikwiye kwitabwaho n’ibikwiye kunozwa uyu mwaka. 

Izi nzego kandi zateguriye hamwe gahunda yo gutangiza icyumweru cy'icyunamo no kwemeza ahazabera igikorwa cyo kwibuka ku rwego rw'Umurenge, bateguye kandi icyumweru cy'ubudaheranwa.