Umuyobozi w’Akarere Wungirije ushinzwe Imibereho Myiza Mme Uwiringira Marie Josee ari kumwe n'abayobozi b'Imirenge ifite ababyeyi mu rugo rw’impinganzima rwa Bugesera ariyo Karama, Rukoma, Ngamba, Mugina na Nyamiyaga hamwe n'abayobozi b’inzego za IBUKA na AVEGA muri iyo Mirenge no ku rwego rw’Akarere; abashinzwe imibereho Myiza muri iyo Mirenge; bifatanyije n'abakecuru n'abasaza b'Intwaza mu birori by'umuganura basangira n’abo babyeyi.

Visi Meya Ushinzwe Imibereho Myiza yibukije ko umuganura uri mu muco w'u Rwanda, ashimira ubuyobozi bw'Igihugu ku kuba bwarazirikanye ababyeyi bose bagizwe inshike na Jenoside yakorewe Abatutsi mu 1994 hagashyirwaho Ingo 5 mu Gihugu zo kubitaho no kubungabunga ubuzima bwabo umunsi ku munsi.