Mu imurikagurisha ryabereye mu Karere ka Huye kuva tariki 17-28 Nyakanga 2025, ubuyobozi bw’Akarere ka Kamonyi bwamuritse bimwe mu byashorwamo imari mu Karere bityo bikungukira ababikora. Muri uru rwego hamuritswe ibirebana n’ubucukuzi bw’amabuye y’agaciro, amabuye yubakishwa, gushora imari mu gice cy’ubuhinzi n’ubworozi hubakwa inganda zatunganya umusaruro w’ibikomoka ku buhinzi n’ubworozi.

Tariki ya 28 Nyakanga 2025; Umuyobozi w’Akarere Dr. NAHAYO Sylvere niwe witabiriye gahunda yo gusoza ku mugaragaro imurikabikorwa n’imurikagurisha rimaze iminsi 10 ribera mu Karere ka Huye.

Iri murikabikorwa ryateguwe n’Urugaga rw’Abikorera mu Ntara y’Amajyepfo hamwe n’Intara y’Amajyepfo mu rwego rwo kugaragaza ibikorerwa mu Ntara y’Amajyepfo.

Iyi gahunda yashojwe ku mugaragaro n’umunyamabanga Nshingwabikorwa w’Intara y’Amajyepfo bwana Nshimiyimana Vedaste, Abitabiriye bose bahawe ibyemeze by'ishimwe ndetse ababaye indashyikirwa zihabwa ibikombe.

Mu byo Akarere kamuritse, harimo amabuye y’urugarika akaba ari umwihariko w’Akarere, amabuye y’agaciro arimo gasegereti na colta; hagagajwe kandi ibikombe akarere kagiye kegukana mu bihe bitandukanye bishimangira intambwe ubuyobozi n’abaturage bamaze kugeraho mu rugamba rw’iterambere.