Kuwa 18 Ukuboza 2023, Mu Mudugudu wa Rwimondo, Akagari ka Masaka Umurenge wa Rugalika habereye ibirori byo gusoza ibikorwa by'Itorero ry'Inkomezabigwi icyiciro cya XI .Uyu mwaka Akarere ka Kamonyi niko kegukanye umwanya wa 1 mu gihugu mu gukurikirana no kuyobora neza ibikorwa by'Urugerero.

-Mu izina rya MINUBUMWE, bwana  Eric UWITONZE Umunyamabanga Uhoraho muri iyi Minisiteri niwe ushyikirije ubuyobozi bw'Akarere inka y'ubumanzi, mu rwego rwo gushimira Akarere ku bikorwa by'indashyikirwa by'Intore ku rugerero; byatumye kaza ku isonga mu gihugu.
Muri ibi birori hatanzwe ibyemezo by'ishimwe ku bafatanyabikorwa b'Akarere n'abandi ku giti cyabo; kubera uruhare bagize mu mitegurire n'imigendekere myiza y'Urugerero rw'Inkomezabigwi icyiciro cya XI.

-Gahunda yitabiriwe na Guverineri w’Intara y’Amajyepfo Mme KAYITESI Alice, Umuyobozi w’Akarere Dr. NAHAYO Sylvere ari kumwe n’abagize komite nyobozi n’inzego z’umutekano.
-Igikorwa cyaranzwe no gutaha ku mugaragaro inyubako “'Igihango cy'Urungano Center”, iki Kigo kikaba kizajya gitangirwamo serivisi zitandukanye zirimo imyidagaduro, imikino, ubuzima bw'imyororokere, ICT, isomero rusange, Imikino gakondo & ibijyanye n'Umuco nyarwanda.