Kuwa 25/ Kanama 2023, icyiciro cya mbere kigizwe na moto 32 nizo ku gicamunsi ubuyobozi bw'Akarere bumaze gushyikiriza Abanyamabanga Nshingwabikorwa b' Utugari, mu rwego rwo kuborohereza mu ngendo bakora mu kazi kabo ka buri munsi no kwihutisha imitangire ya serivisi.

Mu butumwa bwe, Umuyobozi w'Akarere Dr. Nahayo Sylvere asabye aba bayobozi b'Utugari gufata neza izi moto bahawe bakumva ko zije kubafasha kurushaho kunoza inshingano zabo. Basabye kubahiriza amategeko bityo bagakumira impanuka zaterwa n'ibi binyabiziga.

Iyi gahunda yitabiriwe na VM ushinzwe ubukungu bwana Uzziel Niyongira, Umunyamabanga Nshingwabikorwa w’Akarere bwana Abiyingoma Gerard n’uhagarariye company ya “King Lion” yatanze izi moto kuri aba bayobozi b’Utugari.

Abahawe izi moto bashimira cyane ubuyobozi bukuru bw’Igihugu budahwema kubashakira imibereho myiza ndetse no kuzirikana uruhare rw’inzego z’ibanze mu miyoborere y’igihugu. Bashimangira ko izi moto zizabafasha kurushaho kwegera abaturage bityo bagatanga serivisi nziza ku muturage kandi atavunitse bikanakorwa mu gihe cyihuse