Tariki 22 Gashyantare 2025, hirya no mu Mirenge abaturage bafatanyije n’abayobozi babo mu bikorwa by’umuganda rusange usoza ukwezi kwa Gashyantare 2025.
Mu Kagari ka Sheli Umurenge wa RUGALIKA niho habereye ku rwego Umuganda rusange usoza ukwezi kwa Gashyantare 2025. Ni umuganda wibanze ku gukora ibikorwaremezo by’imihanda (gusibura rigoles, gukora amateme, guharura ibyatsi biri ku muhanda). Iki gikorwa cy’umuganda cyitabiriwe n’Umunyamabanga Nshingwabikorwa w’Intara y’Amajyepfo bwana Nshimiyimana Vedaste. Hari kandi umuyobozi w’Akarere Dr. Nahayo Sylvere, VM Ushinzwe imibereho myiza, umubitsi w’Impapuro mpamo z’ubutaka ku rwego rw’Intara bwana Muyombano Sylvain, Umunyamabanga Nshingwabikorwa w’Akarere, abagize inama y’umutekano itaguye y’Akarere,…
Nyuma y’umuganda haganiriwe ku mategeko agenga imikoreshereze n’imicungire y’ubutaka, hatanzwe ikiganiro ku kwirinda ingengabitekerezo ya Jenoside. Abitabiriye banunguranye ibitekerezo ku kwicungira umutekano.