Inama ya Komite Nyobozi y’Akarere ka Kamonyi iyobowe na Dr. Nahayo Sylvere yo kuwa mbere tariki 21 Nyakanga 2025 yafashe icyemezo cyo guhindura bamwe mu bayobozi b’Imirenge basimburana na bagenzi babo bajya gukorera ahandi. 

Umunyamabanga Nshingwabikorwa w’Umurenge wa Nyarubaka Mme Mpozenzi Mbonigaba Providence yoherejwe kuyobora Umurenge wa Kayumbu yahoze ayobora. Uwayobora uyu Murenge ubu bwana Minani Jean Paul we yajyanwe mu Murenge wa Nyarubaka.

Umunyamabanga Nshingwabikorwa w’Umurenge wa Mugina bwana Nsengiyumva Pierre Celestin, komite nyobozi yamwohereje kuyobora Umurenge wa Kayenzi, bwana Mwizerwa Rafiki wahayoboraga we azakomereza akazi mu Murenge wa Nyamiyaga.
 
Izindi mpinduka zabaye, bwana Munyakazi Epimaque wayoboraga Umurenge wa Ngamba yamaze guhabwa ububasha bwo kuyobora Umurenge wa Mugina aho yimuriwe, bwana Mudahemuka Jean Damascene wa Nyamiyaga yimuriwe mu Murenge wa Ngamba. 

Ubuyobozi bw’Akarere ka Kamonyi, bushimangira ko izi mpinduka zikorwa buri gihe hagamijwe imitangire ya serivisi ndetse no gufasha umuturage kubona serivisi akenera hagamijwe gukomeza iterambere n’imibereho myiza.