Hirya no hino mu Karere tariki 27 Nzeri hakozwe umuganda rusange usoza ukwezi kwa Nzeri 2025. Umuganda muri rusange wibanze kuri bikorwa bikurikira: gutunganya imihanda ku kurwanya isuri, gukora no gusana amateme, kubumba amatafari yo kubakira abatishoboye, kubaka inzu y'utishoboye. Mu Murenge wa Karama bo banakoze umuganda wo gusubiranya imirima y'abaturage yangijwe n'abahebyi. 

I Musambira Mu Mudugudu wa Mbari Akagari ka Karengera niho habereye ku rwego rw'Akarere umuganda rusange usoza ukwezi. Abaturage bafatanyije n'ubuyobozi gucukura imirwanyasuri mu rwego rwo kwirinda isuri. 
Umuganda witabiriwe n'Umuyobozi w'Akarere Dr. NAHAYO Sylvere, Umuyobozi wa Polisi Ushinzwe guhuza Polisi n’Abaturage Supt. UWANYIRIGIRA Marie Goretti, umuhuzabikorwa w’urwego rwa DASSO ku Karere CIP (Rtd) YANDAGIYE Jean Baptiste. 
Nyuma y’umuganda abaturage bagejejweho ubutumwa bw’umuganda bwatanzwe na Minisiteri y’Ubutegetsi bw’Igihugu, habayeho kandi gupima indwara zitandura (NCDs) ku babyifuza. 

Umuyobozi w'Akarere Dr. Nahayo Sylvere mu butumwa bwe yasabye abatuye Umudugudu wa Mbari i mu Murenge wa Musambira guhinga ubutaka budahinze (i musozi, mu bishanga no mu duhaga) mu rwego rwo kongera umusaruro w’ibidutunga. Bibukijwe kandi gukomeza gahunda yo kurwanya isuri no kwitegura gutera ibiti by'imbuto n'amashyamba