Tariki 19 Ugushyingo mu Tugari twose ubuyobozi  bwagaragarije abaturage raporo y'ibyakozwe byari byatanzwe nk'ibyifuzo byajya mu igenamigambi umwaka ushize  w’ingengo y’imari wa 2023/24, ndetse n'ibitarakozwe bakanasobanurira abaturage impamvu bitagezweho.
Mu rwego rwo guha umuturage ijambo mu igenamigambi biganisha ku kwimakaza imiyoborere myiza, hanakiriwe ibitekerezo byabo byazashyirwa mu igenamigambi ry'umwaka utaha.
Muri iyi gahunda umuyobozi w’Akarere Dr. Nahayo Sylvere ari kumwe na bwana Martin Mudatinya intumwa ya MINALOC, ndetse na Mme Mukakalisa Chantal umuyobozi w’Abinjira n’abasohoka mu Karere bitabiriye iki gikorwa mu kagari ka Busoro Umurenge wa Kayumbu.
Umuyobozi w’Akarere Wungirije Ushinzwe ubukungu bwana Niyongira Uzziel yari mu Murenge wa Nyamiyaga naho Umuyobozi w’Akarere Wungirije Ushinzwe Imibereho myiza Mme Uwiringira Marie Josee yari mu Murenge wa Musambira.