Mu gikorwa cy’ubugenzuzi bw’isuku buri gukorwa n’Akarere mu Mirenge, abaturage basabwe kuzirikana ko isuku ari isoko y’ubuzima bityo ko bahamagarirwa kuyigira umuco bakirinda umwanda ahantu hose. 

 Kuri uyu wa 07 Kanama 2025 hatangiye ubugenzuzi bw'isuku n'sikura mu Mirenge yose igize Akarere ka Kamonyi buzamara iminsi 3. Ubugenzuzi buri gukorwa n'itsinda rigizwe n'abakozi bo mu Ishami ry'ubuzima mu Karere n'abakozi b'Imirenge bashinzwe ubuzima, isuku n'isukura mu Mirenge.                                                                                                                   Ku wa kane, ubugenzuzi bwakorewe mu Mirenge ya Kayenzi, Kayumbu, Rukoma na Nyamiyaga. Ibikorwa by’isuku n'isukura biri kugenzurwa muri santeri z’ubucuruzi, mu ngo, imihanda n'inkengero zayo, inyubako za Leta n'iz'abikorera ndetse n'uburyo bwo gucunga imyanda.                                                                                                    

Mu rwego rwo gukurikirana ko isuku ikorwa neza, abagize iri tsinda rikuriwe n’umyobozi w’Ishami ry’ubuzima mu Karere bwana Ntabana Gaston, bemeje ko nyuma  y'ubugenzuzi Imirenge izajya ishyikirizwa raporo y'ibitameze neza kugirango bikosorwe mu rwego rwo gukomeza kunoza isuku n'isukura, ahagaragaye umwanda uri gukurwaho aho bishoboka.