Tariki 27 Werurwe 2025, ku bufatanye bw’Akarere n’Ikigo Gishinzwe Imyubakire mu Rwanda (Rwanda Housing Authority), ku Karere habereye amahugurwa yatumiwemo abakozi bashinzwe ubutaka n’imiturire mu Mirenge, hamwe n’abakozi mu ishami ry’ubutaka mu Karere.

Abitabiriye bahuguwe kuri “categories” z’inyubako, uburyo bwo gutanga ibyangombwa n’amategeko abigenga, ibihano biteganyijwe ku warenze ku mategeko yaba usaba serivisi ndetse n’uyitanga.

Ibiganiro byatanzwe n’itsinda rya RHA ryari riyobowe na MUHIRE Janvier umunyamategeko mu by’imyubakire muri RHA. Amahugurwa yatangijwe n’umunyamabanga Nshingwabikorwa w’Akarere bwana BUSHAYIJA Fred aho mu butumwa bwe yasabye abashinzwe imyubakire kumva ko guca akajagari biri nshingano zabo, abasaba gukumira imitangire mibi ya serivisi bityo abaturage bakarushaho kunogerwa na serivisi bahabwa.