Itsinda ry’abasenateri rigizwe na Hon. Senaterii NIYOMUGABO Cyprien ari kumwe na Senateri Prof. Dusingizemungu Jean Pierre kuwa 27-28 Mutarama 2025 bagirye uruzinduko rw’Akazi mu Karere. Izi ntumwa za rubanda zagenzwaga no kureba imikorere y’amavuriro mato “poste de sante” mu rwego rwo kureba ibikwiriye kunozwa mu rwego rwo gukomeza kwegereza abaturage serivisi z’ubuzima binyuze muri aya mavuriro y’ibanze.
hasuwe Poste de sante ya Kigembe mu Kagari ka Kigembe Umurenge wa Gacurabwenge, hasuwe kandi Poste de sante ya Mwirute mu Kagari ka Mwirute Umurenge wa Rukoma.
kuwa 28 Mutarama uruzinduko rwabo baruhariye ikiganiro cyahuje izi ntumwa za rubanda n’abafite “poste de sante” mu Karere hari kandi Umuyobozi w’Akarere Dr. Nahayo Sylvere, abagize komite nyobozi y’Akarere n’abanyamabanga Nshingwabikorwa b’Imirenge.
Muri iki kiganiro hagaragajwe ibyo abasenateri babonye mu gusura zimwe muri  “Postes de sante”abitabiriye bunguranye ibitekerezo biganisha ku kunoza imitangire ya serivisi muri aya mavuriro mato, batanze kandi ibyifuzo byabo bikwiye gukorerwa ubuvugizi.