Bitewe n’uko muri iyi minsi hari kugaragara imyitwarire idahwitse mu banyeshuri, abarezi, ndetse n’ababyeyi bateshutse ku nshingano zabo;
hashingiwe ku murongo watanzwe n’Ikigo cy’Igihugu gishinzwe uburezi rusange- REB tariki 11 Gicurasi 2025 mu bigo by’amashuri hatanzwe  ibiganiro bigamije gukumira imyitwarire idahwitse mu mashuri yose ari mu Karere.
Iki kiganiro cyatanzwe ku bufatanye n’abayobozi b’ibigo by’amashuri, abarimu kikaba gikubiyemo imyitwarire iboneye igomba kuranga abarezi n’abanyeshuri. 

Itegeko N° 010/2021 ryo ku wa 16/02/2021 rigena imitunganyirize y’uburezi, mu ngingo yaryo ya 3 ivuga ko intego y’uburezi mu Rwanda ari ugutanga uburezi kuri bose, budaheza, bufite ireme kandi bufasha mu gukemura ibibazo hagamijwe iterambere rirambye. Ingingo ya 4 ivuga ko imwe mu ntego zihariye z’uburezi ari “ukwigisha abanyeshuri indangagaciro na kirazira by’umuco nyarwanda harimo umuco wo gukunda Igihugu, uw’ubumwe, uw’amahoro, uw’ubworoherane, uw’ubutabera, uwo kubahiriza uburenganzira bwa muntu, uw’ubufatanye, uwa demokarasi, uwo kwirinda ivangura cyangwa itonesha iryo ari ryo ryose n’uwo kurengera ibidukikije.” 

Kuba muri iyi minsi hari kugaragara imyitwarire idahwitse mu banyeshuri, yaba abanyeshuri biga bataha ndetse n’abanyeshuri biga bacumbitse mu kigo, bigaragara ko bamwe mu bayobozi b’ibigo by’amashuri, abarezi, ababyeyi ndetse n’abanyeshuri bateshutse ku nshingano ari nayo mpamvu y’iki kiganiro kugira ngo habeho kwibutswa izo nshinga.