Ku cyicaro cy’Akarere i Gihinga, tariki 31.05.2024 habereye igikorwa cyo kwibuka ku nshuro ya 30 Jenoside yakorewe Abatutsi mu 1994, by’umwihariko abakozi b’Akarere bibutse bagenzi babo bishwe muri Jenoside yakorewe Abatutsi mu 1994, bakoreraga ibyahoze ari Komini Runda, Musambira, Taba, Rutobwe, Kayenzi na Mugina.
Gahunda yaranzwe n’ubutumwa bunyuze mu ndirimbo, ubutumwa bw’abayobozi, ubuhamya hanatanzwe kandi ikiganiro ku mateka ya Jenoside yakorewe Abatutsi mu 1994 bagejejweho na bwana Rutsinga Jacques.
-Umushyitsi mukuru yari Hon. Depite Rwaka Pierre Claver, Umuyobozi w’Akarere Dr. Nahayo Sylvere, VM ushinzwe ubukungu, abagize inama y’umutekano itaguye y’Akarere, Abahoze muri komite nyobozi y’Akarere ka Kamonyi, Abafatanyabikorwa b’Akarere, inshuti n’abavandimwe kwifatanya n’abakozi b’Akarere ka Kamonyi kwibuka bagenzi babo bazize Jenoside yakorewe Abatutsi mu 1994.