Kuwa kabiri tariki ya 06 Gicurasi 2025 mu cyumba cy' inama cy'Akarere ka Kamonyi habere inama yahuje itsinda ry' abagize Urubuga Ngishwanama rw'Inararibonye z' u Rwanda ryari riyobowe na Hon.KAYIJIRE Agnes. Iyi nama yatumiwemo Abanyamabanga Nshingwabikorwa b' Imirenge yose igize Akarere ka Kamonyi, Abakozi bo mu ishami ry' ubuzima bafite aho bahuriye n' imikurire y' abana bato igamije kurebera hamwe ingamba zo kwihutisha   gahunda yo kurandura burundu imirire mibi n' igwingira mu bana bato binyuze mu muryango. 

Inama yayobowe n'Umuyobozi w'Akarere Wungirije ushinzwe imibereho myiza y'abaturage Madame, UWIRINGIRA Marie Josee, abari mu nama barebera hamwe umubare w’abana bo muri buri Murenge bagaragayeho igwingira  mu cyumweru cyahariwe ubuzima bw’umubyeyi n’umwana cyabaye mu kwezi kwa Mutarama 2025, basuzumye ibitera imirire mibi muri buri Murenge ( umwihariko wa buri murenge) n’ingamba za buri murenge zifatwa  hagamijwe  kurandura imirire mibi n' igwingira. Habayeho no kureba umwihariko w' Akarere ka Kamonyi utuma igwingira rigabanuka ku rwego rushimishije ugereranyije n' utundi turere.

Abari mu nama biyemeje gukomeza gushyira imbaraga mu isesengura ry' ibintu bitera igwingira muri buri muryango, hagafatwa ingamba zigamije gukuraho ibyo bintu bitera imirire mibi n' igwingira mu miryango Kandi umwihariko wa buri murenge ukitabwaho.