Tariki 23 Kamena 2025 ku biro by’Akarere i Ghinga habereye inama y'umutekano yaguye y'Akarere iyobowe n'Umuyobozi w'Akarere Dr. NAHAYO Sylvere. Yitabiriwe n’Umuyobozi w’Akarere Wungirije Ushinzwe ubukungu bwana Niyongira Uzziel ari kumwe n’Umuyobozi w’Akarere Wungirije Ushinzwe Imibereho Myiza Mme Uwiringira Marie Josee, hari hatumiwe abakuriye inzego z'umutekano zikorera ku rwego rw’Akarere n'Umurenge, hamwe n'abanyamabanga Nshingwabikorwa b'Imirenge.

Mu nama hagarutswe ku ishyirwa mu bikorwa ry'imyanzuro y'inama iheruka, ishusho y'umutekano Gicurasi-Kamena muri uyu mwaka, ikemurwa ry'ibibazo bikibangamiye imibereho myiza y’abaturage. Abagize inama y’umutekano itaguye bafashe imyanzuro iganisha ku gukomeza gusigasira umutekano kuko ariwo nkingi y’imibereho myiza n’iterambere rirambye.