Kuwa 25 Kanama 2023, ku biro by'Akarere hateraniye Inteko rusange y'Inama y'Igihugu y'Abagore yatangijwe n’Umuyobozi w’Akarere Dr. Nahayo Sylvere.

Iyi nama yatumiwemo abagore bahagarariye abandi mu Tugari, Imirenge no ku Karere; insanganyamatsiko iragira iti" twubake umuryango ushoboye kandi utekanye"

Iyi nteko yabimburiwe no kumurika bimwe mu byagezweho n'abagore mu rwego rwo kwiteza imbere, nk'uruhare rwabo mu guharanira kwigira n'iterambere rirambye ry'imiryango yabo.

Hagarutswe ku ruhare rw'abafatanyabikorwa mu kubaka umuryango ushoboye, hagarutswe ku bikorwa biteganyijwe uyu mwaka 2023/2024, hanabayeho umuhango wo gushyira umukono ku mihigo izeswa na ba "Mutimawurugo" uyu mwaka.

Iyi nteko yitabiriwe na VM ushinzwe imibereho myiza Mme UWINGIRA Marie Josee, Abajyanama mu Nama Njyanama y’Akarere, Umuhuzabikorwa wa CNF Mme Musabyimana Marie Goretti hari kandi abagize inzego z’umutekano.