Ku Ruyenzi mu Murenge wa Runda habereye inama y'Abagize ihuriro ry'Ubumwe n'ubudaheranwa  bo mu Karere Kamonyi. Iyi nama yateranye kuwa 18 Ukwakira 2024 yitabiriwe n'abayobozi batandukanye n'Abahoze ari Abayobozi kuva muri Mata1994; Abarinzi b'igihango ; Abakangurambaga b'Ubumwe n'Ubudaheranwa; abafatanyabikorwa bo mu nkingi y'Isanamitima n’Ubumwe n'Ubudaheranwa.
-Umushyitsi Mukuru yari Umuyobozi Mukuru w'Urwego rw'Igihugu rushinzwe Intwari Imidari n'Impeta by'Ishimwe  bwana Francois NGARAMBE. Hari kandi itsinda rya Unity Club Intwararumuri: bwana MUNYESHYAKA Vincent na Madamu MUKARURANGWA Egidie; n'Intumwa   ya MINUBUMWE bwana KARAMBIZI Olivier. Iyi nama yitabiriwe kandi n'Umuyobozi w'Intara Y'Amajyepfo Madamu KAYITESI Alice.
Abitabiriye inama bahawe ibiganiro bitandukanye bigaruka ku Nsanganyamatsiko y'ukwezi k'Ubumwe n'Ubudaheranwa igira iti: Indangagaciro na kirazira isoko y'Ubumwe n'Ubudaheranwa by'Abanyarwanda ". biyemeje gukomeza kuba umusingi w’imibanire izira amakemwa, imibereho myiza n’iterambere.