Ku wa gatanu tariki 16.05.2026 Ruyenzi mu Murenge wa Runda hateraniye inteko rusange y’Ihuriro ry’Abafatanyabikorwa mu Karere iyobowe na bwana Semugaza Tharcisse presida wa JADF. Yitabiriwe kandi n’Umuyobozi w’Akarere Dr. Nahayo Sylvere ari kumwe Visi Meya Ushinzwe ubukungu bwana Niyongira Uzziel, intumwa ya MIGEPROF bwana Alfred Karekezi ushinzwe kurengera umwana n’abandi bafatanyabikorwa b’Akarere mu ngeri itandukanye. 

Mu nama hagarutswe ku byakozwe n’abafatanyabikorwa uyu mwaka Abitabiriye bunguranye ibitekerezo ku Igenamigambi ry’Akarere ry’umwaka utaha 2026/2027, hatanzwe ikiganiro ku kubaka umuryango ushoboye kandi utekanye hashingiwe ku gukuira ihohoterwa mu muryango, hatanzwe n’ikiganiro ku ruhare rw’abafatanyabikorwa mu guherekeza abaturage kwikura mu bukene mu buryo buhamye.