Tariki 24 Ugushyingo 2023, itsinda ry’abadepite mu nteko ishinga amategeko  baharanira imibereho myiza  n’iterambere ry’abaturage (RPRPD)  rigizwe na Hon. RWAKA Pierre Claver na Hon. UWINEZA Beline basuye Akarere mu rwego rwo kumenya imikorere y’irangamimerere n’ibarurishamibare bakoreye uruzinduko mu Karere ka Kamonyi. By’umwihariko gahunda yabo yibanze ku kureba uko serivisi zo kwandika abapfuye n’abavuka mu bitabo by’irangamimerere ikorwa ndetse no kujya inama ngo izi serivisi zirusheho kwitabirwa na buri wese.

Ubuyobozi bw’Akarere bwari buhagarariwe n’Umuyobozi w’Akarere wungirije ushinzwe iterambere ry’ubukungu bwana NIYONGIRA Uzziel mu kiganiro ku Karere cyitabiriwe n’abagize komite nyobozi y’Akarere, Umuyobozi w’Ibitaro bya Remera Rukoma, Umuyobozi wa Komisiyo y’Imibereho myiza muri JADF, abakozi b’Akarere bashinzwe imiyoborere myiza, ubuzima, igenamigambi n’ibarurishamibare.

Nyuma y’inama ngufi ku Karere igikorwa cyakomereje ku gusura Imirenge ya Nyamiyaga na Ngamba n’ibigo nderabuzima bya Nyamiyaga na Karangara.