Itsinda ry’abadepite bagize PAC- ariyo komisiyo yo mu Nteko Ishinga Amategeko ishinzwe kugenzura imikoreshereze y’ingengo y’imari ya Leta tariki ya 10 Kamena 2025 basuye Akarere ka Kamonyi.
Iri tsinda riyobowe na Hon. Depite Murumunawabo Cecile, ari kumwe na mugenzi we Hon. Depite NIWEMAHORO Wassila, bari baje mu Karere kugenzura uko imishinga ivugwa muri raporo y’Umugenzuzi Mukuru w’Imari ya Leta (OAG) y’umwaka wa 2023/2024 ihagaze. 

Abadepite bagenzuye umuhanda uri kubakwa wa kaburimbu Ruyenzi-Gihara-Nkoto ariko utararangira basesengura impamvu z’iri dindira ndetse Akarere gasobanura impamvu uyu muhanda utarangira.
Hasuwe amazu yubakiwe abagenerwabikorwa ba MINUBUMWE mu Mirenge ya Nyarubaka (Ruyanza) na Gacurabwenge (Gihira) bareba uko ibibazo Audit yagaragaje biri gukosorwa. 

Mu kugenzura iyi mishanga bari kumwe n’itsinda ry’Akarere riyobowe na VM ushinzwe ubukungu bwana Niyongira Uzziel n’Umunyamabanga Nshingwabikorwa w’Akarere bwana Bushayija Fred.