Abacuruzi b’imboga n’imbuto bakorera hafi y’Umuhanda wa kaburimbo Kigali-Kamonyi-Muhanga mu Kagari ka Kigembe mu Murenge wa Gacurabwenge, barashimira ubuyobozi ndetse n’abafatanyabikorwa babukakiye isoko ryagutse ugereranyije n’aho bari basanzwe bakorera.
Umuyobozi w'Akarere Dr.NAHAYO Sylvere yafunguye ku mugaragaro isoko ry'imboga n'imbuto rya Mushimba mu Kagari ka Kigembe Umurenge wa Gacurabwenge yasabye aba bacuruzi gushyira umutima ku kazi kabo bagacuruza bakunguka bityo bakiteza imbere bagateza imbere n’imiryango yabo.Ni isoko ryubatswe mu rwego rwo kongerera ubumenyi no gufasha abahungu n'abakobwa bagize inshingano zo kurera bakiri bato.

Iri soko ry'imboga rya Mushimba #Gacurabwenge ryubatswe bigizwemo uruhare n'Akarere ku bufatanye n’Umufatanyabikorwa Save Generations, igikorwa cyatewe inkunga n’Urwego rw’Igihugu rw’Imiyoborere mu Rwanda (RGB).
-Muri iki gikorwa SAVE Generation Organization yari ihagarariwe muri uyu muhango na bwana MUGENYI Hakim  ku RGB yari ihagarariwe na Mme HABIYONIZEYE Yvonne.