UBUKANGURAMBAGA KU GUKUMIRA INDWARA ZANDURIRA MU MIBONANO MPUZABITSINA

Tariki 25 Nzeri ku kibuga cy’umupira cya Remera-Mbizi mu Murenge wa Rukoma, ku bufatanye bw’umufatanyabikorwa RWAACHI, MINISANTE, RBC n’umuryango AHF RWANDA habereye ubukangurambaga bwitabiriwe by’umwihariko n’abiganjemo urubyiruko. Ni igikorwa cyari gifite insanganyamatsiko igira iti” Twese hamwe, dukumire Virus Itera SIDA, indwara zandurira mu mibonano mpuzabitsina n'inda ziterwa abangavu”. 

Iyi gahunda yaranzwe n’umukino w’umupira w’amaguru wahuje ikipe y’abagabo ihsgarariye Akagari ka Buguri ndetse n’ikipe y’Akagari ka Remera. 

Habaye kandi umukino wahuje ikipe y’abakobwa bo kuri GS Remera Indangamirwa na College APPEC TSS. 

Iyi gahunda yitabiriwe n’Umuyobozi w’Akarere Dr. Nahayo Sylvere, intumwa ya MINISANTE, bwana Nsengiyumva Jacques Umuyobozi w’Umuryango RWACHI, uhagarariye AHF. 

Muri iki gikorwa, hanatanzwe ubutumwa kandi ku gukumira ibiyobyabwenge, by’umwihariko urubyiruko rwibukijwe ko kwirinda kunywa inzoga Atari byiza basabwa ko bishoboka banazireka.