HABAYE INAMA NYUNGURANABITEKEREZO KU MUSHINGA MUSHYA IZAFASHA ABATURAGE KWIKURA MU BUKENE

Ku biro by’Akarere, Kuwa kabiri tariki 20 Ukwakira 2026, Umuyobozi w'Akarere ka Kamonyi Wungirije ushinzwe iterambere ry'ubukungu bwana NIYONGIRA Uzziel ari kumwe na bwana KAYITANA Emmanuel Umuyobozi wa FXB Rwanda bagiranye inama n’inzego bireba ku mushinga mushya ugiye gukorerwa mu Murenge wa Rukoma witwa FXB VILLAGE wo gufasha  abaturage kwikura  mu bucyene binyuze muri gahunda ya “graduation”.

Muri uyu mushinga imiryango 300 iteganyijwe mu ntangiro izafashwa kwitabira ibikorwa biri mu nkingi zitandukanye harimo gukora imishinga ibyara inyungu, gukorera mu matsinda, kwimakaza ibikorwa by'isuku n'isukura no kwitabira ibikorwa by'ubuhinzi n'ubworozi.
Uyu mushinga wa FXB VILLAGE , uzafasha kubaka ubwiherero 24 buzashyirwa ku Kigo cy’Amashuri cya Buguli na EP Murehe.