Skip to main content Skip to page footer
Urubuga rwemewe rwa Leta y’u Rwanda
Akarere ka Kamonyi

GIHARA: HIZIHIRIJWE IBIRORI BY'UMUNSI MUKURU W'UMUGANURA KU RWEGO RW'AKARERE

8 August 2026

Kuwa 07 Kanama kimwe n'ahandi mu gihugu,  uyu munsi hirya no hino mu Mirenge habereye ibirori byo kwizihiza umunsi mukuru w'Umuganura hazirikanwa Insanganyamatsiko igira iti: Umuganuro isooko y'ubumwe n'ishingiro ryo kwigira.

Ku rwego rw'Akarere ibirori byabereye mu Kagari ka Gihara Umurenge wa Runda, bikaba byabanjirijwe no gutaha ku mugaragaro umuhanda wa kaburimbo wa Rubumba wa 1km wubatswe ku bigizwemo uruhare n'abaturage ubwabo. Hatashywe kandi umuhanda wa kaburimbo Gihara-Nkoto wubatswe n'Akarere ureshya na 6.5km.

Umushyitsi mukuru yari Umuyobozi w'Akarere wungirije ushinzwe iterambere ry'ubukungu bwana NIYONGIRA Uzziel, hari kandi Visi Meya ushinzwe imibereho myiza Madame Uwiringira Marie Josee. 
Gahunda yitabiriwe kandi n'abagize inama y'umutekano itaguye y'Akarere, abafatanyabikorwa b'Akarere, abatuye Akagari ka Gihara no mu nkengero zaho.

Hatanzwe mu buryo bw'itsinda ( panel) ikiganiro cyateguwe na Minisiteri y'Ubumwe bw'Abanyarwanda n'Inshingano Mboneragihugu (MINUBUMWE), habayeho guha abana amata, imbyino z'amatorero ibirori bisozwa n'ubusabane.