ABASENATERI BAGENZUYE UKO IBIKORWA BYO KUGEZA AMASHANYARAZI MU BATURAGE BIHAGAZE

Kuwa 29 Nyakanga 2026 itsinda riyobowe na Senatari NYINAWAMWIZA Laetitia ari kumwe na Sen. HABINEZA Franck bombi bagize Komisiyo y'Ubukungu n'Imari muri Sena bagiriye uruzinduko mu Karere rugamije kugenzura ibikorwa bya Guverinoma mu kugeza amashanyarazi ku baturage.

Harebwe muri rusange uko igenamigambi ryo kugeza amashanyarazi ku baturage ryita kubwiyongere bwabo, imiturire n'ibindi byiciro biyakenera; kugenzura ubushobozi bw'inganda n'imiyoboro by'amashanyarazi mu gutanga amashanyarazi.

Ku Karere bakiriwe na Visi Meya Ushinzwe Ubukungu bwana Niyongira Uzziel ari kumwe n’abagize inama y’umutekano itaguye y’Akarere, iyi gahunda kandi yari igamije kugenzura ibikorwa mu kugeza ku baturage amashanyarazi akomoka ku mirasire y'izuba n’ uruhare rw'abikorera kugeza amashanyarazi ku baturage.

Nyuma basuye ibitaro bya Remera Rukoma, gahunda ikurikirwa no kuganira n’abaturage ku bikorwa by’amashanyarazi mu Murenge wa Gacurabwenge.