ABAGIZE INAMA YAGUYE Y’INAMA Y’IGIHUGU Y’ABAGORE BARATERANYE

Ku gicamunsi ku Karere tariki 03 Nzeri 2026 hateraniye inama yaguye y'Inama y'Igihugu y'Abagore yayobowe n'Umuyobozi w'Akarere Dr. NAHAYO Sylvere, yitabiriwe kandi na Visi Meya Ushinzwe Imibereho Myiza Madame UWIRINGIRA Marie Josee, umuhuzabikorwa w’Inama y’Igihugu y’Abagore ku Karere Mme MUSABYIMANA Marie Goretti, abagize Komite y’Inama y’igihugu y’Abagore ku Karere n'Imirenge hamwe n'abakozi bashinzwe Imiyoborere myiza ku Mirenge.

Muri iyi nama hagarutswe ku kureba ishyirwamubikorwa ry'imihigo 2025-2026, Umuhuzabikorwa wa CNF mu Karere Madame Musabyimana Goretti yagaragarije abitabiriye imihigo ya CNF y’uyu mwaka ndetse habayeho igikorwa cyo gusinya imihigo 2026-2027 hagati y’umuhuzabikorwa wa CNF n’Umuyobozi w’Akarere.